មុខសញ្ញាជួញដូរគ្រឿងញៀន១១នាក់ ត្រូវនគរបាលស្រុកភ្នំស្រួចបង្ក្រាប
29-October-2018 | ដោយ ពលមនសិការ
កំពង់ស្ពឺ៖ មុខសញ្ញាជួញដូរសារធាតុញៀនប្រុសស្រី១១នាក់ ត្រូវនគរបាលស្រុកភ្នំស្រួចឃាត់ខ្លួន នៅចំណុចផ្ទះឈ្មោះហេង ឈាង កាលពីថ្ងៃអាទិត្យ ៤រោច ខែ អផ្សុជ ឆ្នាំច សំរឹទិ្ធស័ក ពុទ្ធសករាជ២៥៦២ វេលាម៉ោង១៦និង០៥នាទី ស្ថិតនៅក្នុងភូមិទី៤ ឃុំត្រែងត្រយឹង ស្រុកភ្នំស្រួច។
មន្ត្រីនគរបាលខេត្តកំពង់ស្ពឺបានឲ្យដឹងថាជនសង្ស័យទាំង១១នាក់រួមមានទី១-ឈ្មោះ សុខ ចិត្រា ភេទប្រុស អាយុ ១៩ឆ្នាំ នៅភូមិថ្មី ឃុំចំបក់, ទី២-ឈ្មោះ សុខ គឹម ភេទប្រុស អាយុ ២៣ឆ្នាំ នៅភូមិថ្មី ឃុំចំបក់, ទី៣-ឈ្មោះ ប៊ូ វឿន ភេទប្រុស អាយុ ៣០ឆ្នាំ នៅភូមិទី២ ឃុំត្រែងត្រយឹង, ទី៤-ឈ្មោះ រឹម សារិន ភេទប្រុស អាយុ ៣១ឆ្នាំ នៅភូមិទី៤ ឃុំត្រែងត្រយឹង, ទី៥-ឈ្មោះ នៅ វ៉ាត ភេទប្រុស អាយុ ២៣ឆ្នាំ នៅភូមិទី៣ ឃុំត្រែងត្រយឹង, ទី៦-ឈ្មោះ អេង សុគុន្ធី ភេទប្រុស អាយុ ៣២ឆ្នាំ នៅភូមិទី១ ឃុំត្រែងត្រយឹង, ទី៧-ឈ្មោះ លួន បូរា ភេទប្រុស អាយុ ៣៧ឆ្នាំ នៅភូមិទី៤ ឃុំត្រែងត្រយឹង, ទី៨-ឈ្មោះ ចាន់ រី ភេទប្រុស អាយុ ៣៨ឆ្នាំ នៅភូមិទី៤ ឃុំត្រែងត្រយឹង, ទី៩-ឈ្មោះ ភេន សំភាស់ ភេទប្រុស អាយុ២០ឆ្នាំ នៅភូមិទី៣ ឃុំត្រែងត្រយឹង, ទី១០-ឈ្មោះហេង ឈាង ភេទស្រី អាយុ ៣៤ឆ្នាំ នៅភូមិទី៤ ឃុំត្រែងត្រយឹង(ម្ចាស់ផ្ទះ) និងទី១១-ឈ្មោះ សៀវ ហៀង ភេទស្រី អាយុ ៣៥ឆ្នាំ នៅភូមិទី៤ ឃុំត្រែងត្រយឹង។
ដកហូតវត្ថុតាងរួមមានគ្រឿងញៀនចំនួន ១២កញ្ចប់,ជញ្ជីងថ្លឹងគ្រឿងញៀន ០១ ,ម៉ូតូម៉ាកចំរុះ ០៦គ្រឿង,ទូរស័ព្ទដៃចំរុះ០៦គ្រឿង ឧបករណ៍ប្រើប្រាស់ និងសម្ភារៈវេចខ្ចប់គ្រឿងញៀនមួយចំនួនទៀត។
បច្ចុប្បន្នមុខសញ្ញាពាក់ព័ន្ធទាំង ១១នាក់ រួមជាមួយវត្ថុតាង កម្លាំងស្រុកបានកសាងសំណុំរឿងបញ្ជូនទៅការិយាល៏យជំនាញប្រឆាំងគ្រឿងញៀនខេត្ត ចាត់ការតាមនីតិវិធី៕
ចំនួនអ្នកទស្សនា
- ថ្ងៃនេះ431
- ម្សិលមិញ16391
- សប្តាហ៍នេះ46661
- ខែនេះ161811
- ឆ្នាំនេះ161811
- សរុប20604267